អគ្គិភ័យឆេះទីតាំងសិប្បកម្មកែច្នៃឈើមួយកន្លែងនៅខណ្ឌសែនសុខ
15-March-2018 | ដោយ ពលមនសិការ
ភ្នំពេញ ៖ នៅថ្ងៃទី១៥ ខែមីនា ឆ្នាំ២០១៨ វេលម៉ោង២និង១៥នាទី មានករណីអគ្គិភ័យមួយបានកើតឡើងនៅ ដេប៉ូលក់ឈើ ហង្សវ៉ា ស្ថិតនៅតាមបណ្តោយផ្លូវហាណូយ ក្រុមទី១ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
សមត្ថកិច្ចបានឱ្យដឹងថាម្ចាស់ផ្ទះរងគ្រោះមានឈ្មោះ ហង្ស វ៉ា ភេទប្រុស អាយុ ៥៣ឆ្នាំ មុខរបរ អ្នកលក់ឈើ។ មូលហេតុ ធ្លាយបំពុងឡចំហុយបង្កជាអគ្គិភ័យ។ ផ្ទះជាប្រភេទសំណង់ ថ្មប្រក់ស័ង្កសីទំហំ២០ម៉ែត្រគុណ៤០ម៉ែត្រ។
ខូចខាតសម្ភារៈ ឆេះទ្វារធ្វើអំពីឈើច្នៃរួចក្នុងឡចំហុយទំហំ ៤ម៉ែត្រគុណ៤ម៉ែត្រ អស់ប្រហែល២០% និងពុំបានបណ្តោយឲ្យឆេះរាលដាលដល់ផ្ទះអ្នកជិតខាងឡើយ។ក្នុងប្រតិបត្តិការខាងលើកម្លាំងជំនាញការិយាល័យអគ្គិភ័យបានប្រើប្រាស់រថយន្ត៦គ្រឿង ប្រើប្រាស់ទឹក អស់៦ឡាន ស្មើនឹង ២៤ម៉ែត្រគូប៕
ចំនួនអ្នកទស្សនា
- ថ្ងៃនេះ6991
- ម្សិលមិញ10851
- សប្តាហ៍នេះ73511
- ខែនេះ188661
- ឆ្នាំនេះ188661
- សរុប20631117